Thla 2 Chung Kahdohnak Ruang Ah Civil Mi 75 An Nunnak Liam
Shan ramkulh nitlaklei, Moebe le Karenni (Kaya) ramkulh chung ahbralhrang le Karreni ralkap larlak kahdohnak ruangah January le Febuary thla 2 chung ah Civil mi minung 75 an nunnak liam tiah Prigressive Karenni People Force (PKPF) nih tuni March 2 ah a thanh.
January thla chung ah civil mi minung 49 le Febuary thla chung ah 26 tiah an langhter i, Ralhrang nih uknak an lak ni Febuary 1 in 2022 Febuary 8 tiang ah civil mi a nunnak liammi 221 an si i tlaih a tongmi 220 an si tiah an langhter.
Febuary 7 thok in February 28 (thla dih) tiang ah ralhrang nih Karreni (Kaya) ramkulh chung ah vanlawng in voi 69 a lah hna i Biaknak inn 10 le inn 649 an rawk tiah an thanh chih.
Karreni ramkulh chung ah kan hnu 2021 May 22 thok in tukum Febuary 20 tiang ah ralzaam 170,000 an si tiah Karreni State Consultative Council (KSCC) nih March 1 ah a thanh.
