Shan ram chaklei Theinni khua um SAC Chief of Operations Command 16 cu chaklei ttangti phu 3,KNDF,PLA le dothlennak phu dang hna ibawm in nizan ah tlamtling in an laak i SAC helicopter ttumnak,Khuankham motor hna,Army Tank,Howitzer le hriam tampi an laak tiah theih a si.
Theinni khuapi laak khawh nak ding ah dothlennak ralkap phukomh hna nih January 1 thok in Theinni khuachuahnak Namatu tiva hlei zawn in kahdohnak an rak thawk i cu hnu ah Kawnghaw khuate ah um SAC ralhraang cu an doh hna hnu ah Kawnghaw khuate cu January 3 ah an laak khawh.
January 3 zanlei sang ah SAC IB 69 cu an nam i a thaizing ah an laak khawh.january 4 thiam thiam ah SAC division 16 sakhaan pi cu an nam than.cu hnu ah a taang mi SAC COC 16 sakhaan pi cu nizan January 7 zinglei slm 9:00 ah ah tlamtling in an laak khawh hi a si.
