Chin ramkulh Thantlang khuapi a khaang dih tu SAC ralkap hna chung ah aa tel ve mi SAC Col. Hein Htet Aung cu Hakha ah a thi tiah theih a si.
Col. Hein Htet Aung cu Thantlang khuapi khangh kong le Thantlang Operation ah aa tel mi a si caah Chin mi minung 5 hna nih a mah le Min Aung Hlaing hna telh chih in ralhraang bawi cheukhat hna cu Philipine ram ah 2023 October thla ah khan taza an rak cuai mi hna a si.
Col. Hein Htet Aung cu Hakha hrambunh SAC sakhaan ah Byuhahmu rian a tuan cuahmah lio ah lung lei dam lo nak in a thi tiah CHRO nih fehter nak a tuah.zeitik ni ah a thih bel an langhter chih lo.a mah hi a hlan i Hakha Byuhahmu hlun Col. Saw Htun aiawh ah 2023 October thla ah a rak lut mi a si tiah an langhter.
Col. Hein Htet Aung a thih nak a ruang hi ral sungh kong ah Nay Pyi Daw SAC zungpi lei in hneknak tamtuk an pek caah a si kho tiah CHRO nih an langhter chih.
