Thangtlang khuachung kahdohnak ah council ralkap 5 an thi,1 hliamhma a pu ,Thaton khua kumkhat chung kahdohnak ah council ralkap lei in 47 an thi 23 nih hliamhma an pu.
==========================================
Febuary 2,2022
Chinram, Thangtlang khua chung Febuary 1 ah council ralkap le CNA,CDF –Thangtlang kar kahdohnak a chuak i Council ralkap lei in 5 an thi,1 nih hliamhma a pu tiah theih asi.
Council ralkap nih hriamnam ngan in an kah hna,Drone in bomb an thlak hna ruang ah kahdohnak achuah hi asi .CNA,CDF ralkap lei hliamtuar mi an um lo, Council ralkap nih an kah mi hriamnam ngan ruang ah inn tlawmpal cu a kaang tiah CDF-Thangtlang nih cathanh an chuah.
Council ralkap nih hramhram in uknak an lak kumkhat chung ah Tatun _PDF cu KNLA hen fonh in kahdohnak voi 20 tiang a chuak Council ralkap le BGF lei in 20 an thi 23 nih hliamhma a pu ,PDF lei in 2 an nunnak a liam tiah an thanh.
TPG le KNLA fonh in council ralkap he kahdohnak 20 leng,Adang kahdoh nak 9 le Mytel tower 1 an hrawk.Cun Pistol Meithal 1 zong kan lak khawh tiah Thaton People’s Guerillas nih cathanh an chuah.
TPG ralkap ManGyi le ralkap Nay Nyo Aung pahnih ram le miphun caah an nung nak an pek tiah theih asi.(Ref;Khit Thit Media)
