Thairam khualipi Bangkok ah Cozah nih covid 19 kong a tawlrel ning an duh lo nak lam cungchuak in an langhter. Hi lamzawhtu hna cu motors, bicycle hna in August, 1 ah lam cungah chuak in cozah nih covid-19 zawtnak fek deuh in hmalak dingin Thailand Vuacichoh Prayuth Chan-ocha cungah an lungtlin lo nak an langhter. Thailand ram khualipi a si mi Bangkok khua chungah klm 20 a saumi lam cungah motor phunphun horn tum in, kut zungthum thlir duhnak an langhter. Kut zungthum a langhter mi duhmi cu The Hunger Games film ah dothennak ah rak hmanmi hmelchunhnak pakhat asi. Thai cozah nih Covid-19 sii a caan aluan hlan ah cunh an daithlan tiah kum 47 asi mi lawzawhtu pakhat nih a chim. Kan duhnak kan langhter lo ahcun a fiang ko mi cu cozah nih a hngal lo bantuk in an i umter ko lai tiah a chim. Thairam cu Covid-19 pulrai in a den lio pi hna si i, Covid-19 in a zawmi hi minung 615,000 leng kai an si cang, athimi minung 4990 an si. Ref.DVC
