Taze Peng Ah SAC Ralkap Nih Htanpin Seih Khua Cu Voithumnak An kangh.
==================
November 28, 2022
Sagaing ramṭhen, Taze peng chaklei ah a ummi Htanpin Seik khua ah rallam a sial mi SAC ralkap hna cu nizan November 27 chun ah voithumnak inn an khangh, tiah theih a si.
Htanpin Seih khua cu SAC ralkap nih atu le atu an pal tawnnak khua a si i a hlan zong ah voihnih tiang an rak khangh mi khua a si. Atuah voithumnak an khangh than ii a khua ning in a ciam ti tluk a si ko, tiah khua mi hna nih an chim.
“Tu voithumnak an khangh hin inn tam ngai a ciam. Meiku zong a tam ngai. Va Kal kan duh ko nain SAC ralkap le pyusawhti an um caah kan kal ngam lo. Pyusawhti pawl hi khuami lawngte an si caah an mah nih lam le minung cu an kan theih dih,” tiah khuami pakhat nih a chim.
Atubantuk in voithumnak an kangh caah inn 200 hrawng cu um mii Htanpin Seik khua cu Inn 150 a kangh kho tiah khuami nih an chim.
Ralhrial bawmchantu pakhat nih,” Htanpin Seih khuami hna cu ralhrial in a himnak hmun ah an i dor. An khua ah an kir ngam rih hna lo. Umnak hmun serisiam piak an hau lai,” tiah a chim.
SAC ralkap pawl rallam an sial thok in Htanpin Seik khua cu Khuami pawl cu himnak hmun ah an zaam ii a tu voithumnak an kangh ruang ah kan khua zapi in an i thial tiah khuami pawl nih an chim.(Crd.. Delta New Agency)
