Tapyiaye Khua Ralhrang Nih An Khangh, Tarnu Pakhat A Kangh Chih Sagaing Ramtthen

Tapyiaye Khua Ralhrang Nih An Khangh, Tarnu Pakhat A Kangh Chih

Sagaing Ramtthen, Tapyiaye khua cu nizaan, Febuary 28 ah ralhrang nih a khua ning in an khangh i a zaam kho lomi tarnu pakhat a kangh chih tiah BBC nih a ttial.

Ralhrang pawl nihhin PDF sakhan a um lai tiah an ruah damhnak hmun Wasing tlangtluan cu vanlawng in a kah i Tapyiaye khua zong an kah chih.

” Kan khua ahhin PDF zong an umlo nain Helicopter pahnih in an kan kah, a dang Helicopter pahnih in ralhrang an tthumh hna i khua an khangh, Inn 200 leng kan um i a kang lomi hi inn 10 hlei tang ti lailo ” tiah Tapyiaye khuami pakhat nih a chim.

Cun, Ralhrang nih vanlawng / Helicopter in a kah lio hna i an zaam lio ah Tapyiaye khuami pakhat cu Machine Gun kuan nih a khen i a nunnak liam.