Tanintharyi ah Taku palik sakhaan cu an lak khawh, ralhrang ta seh tilawng ,cycle le seh thilrii pawl zong an hrawh.
===================================
January 4 , 2022
Tanintharyi ram,Myeik peng ,Taku(တကူ) khua January 3 zanlei ah palik sakhaan cu PDF nih an lak khawh.Taku palik sakhaan ah um mi zungca ,uniform le electric thilri pawl cu mei in an kangh dih.Inn chung ah a um mi cabuai thutdan ,thilri le tipep pawl zong kan hrawh dih tiah kah doh nak ah a tel mi pakhat nih a chim.
Cun Takhu khua ah pungki sianginn ah a taan mi council ralkap pawl an cycle 5 zong an lak .Cun ralhrang seh tilawng pakhat le seh pahnih zong an hrawh tiah theih a si.
Taku sakhaan ah palik pawl an um lo nak a sau cang i a luan cia November 22 zong ah Dhuwan PDF (ဓူဝံ)nih bom in an rak puah bel cang hna.
January 2 zong ah Tharabwin khua(သာရသွင်ရွာ)le Taku Wan Na khau(တကူဝမ်းနာရွာ) le In Shay Kone khua(အင်းရှည်ကုန်းရွာ) ah Mytel tung cu an hrawh.
