Taiwan le Israel Nih Ukraine Sin Ah Sii-ai Bawmhnak Pek
Russia raltuk a ingtu Ukraine hrang ah Israel rame Taiwan ram nih Minunghawi zawnruahnak he Sii-ai bawmhchanh nak an pek tiah theih asi.
Ralruang ah tlizaam kho loin ai hrengmi Ukraine mizapi hna caah sii- ai bawmhchanhnak cu Israel nih sii ton 100 cu Poland Airline in an kuat hna i, Taiwan zong nih sii ton 27 cu German Airline in an kuat ve hna.
Israel cozah nihcun Ukraine mipi he kan dir tti tiah voi tampi a chim len ko nain Nitlaklei ram hna bantuk in Russia phihkhar le dantat ahcun ai ralring ngai rih tiah theih asi.
Taiwan ram tu nihcun Russia ram cu fak piin a mawh chiat i a herh ning in phihkharnak le dantatnak kan tuah lai tiah an ti.
