Sydney ah pa pathum cu 150million U.S dollor man a si mi ritsi he peh tlai in an tleih hna
Pa 3 sin ah a man 150 million U.S dollor a si mi ritsi methamphetamine le cocaine he peh tleihin palik nih an puh hna.
A luan cia thlakhat ah U.S in Sydney a phan mi,methylamphetamine 230 kg le cocaine 1.2kg a tel mi tilawng cu palik pawl nih an i tinh.Cu ritsi cu 150 million U.S dollor leng man a si lai tiah an tuak.
A luan cia nirukni ah khan,Pretons business cu hlathlainak an tuah i kum 21 le 22 a si mi pa 2 cu an tleih hna.Cu pa 2 cu Merrylands palik sakhaan ah ritsi he pehtleih in an puh hna.An pa 2 ning tein aamahkhan in chauh nak nawl an pe hna lo caah hmai thla ah baiceihnak zung ah an chuak lai.
Palik pawl nih Cabramatta hotel le Preston business ah kawlnak ca i ken in an kawl.Cu an kawlnak ah cun kum 41 a si mi pa cu hotel ah an tleih i, Fairfield palik sakhaan ah an kal pi,cu ka ah cun ritsi chawleh a zuar tiah an puh.Aamahkhaan in chuahnak an pe lo i nizaan ah biaceihnak zung ah a chuak.
A tu ban tuk in palik pawl nih ritsi chawleh zuar a tuah tu pawl cu kan doh thluah mah hna lai tiah palik bawi Rob Critchlow nih a chim.Ritsi he peh tleih in cawleh a zuar mi phu he peh tlai in rian a tuan mi poh cu biaceihnak zung ah chuahpi khawh kan i zuam lai i kan ram chungah a tha lo mi sivai phak lo ding khan i zuam lai tiah a chim.(Crd.9 News Sydney)
