Kachin ramkulh,Puta-O pengkomh,Sumprabum khuapi um SAC Byuha sakhaan pi cu KIA nih thla hnih chung an tuk hnu nihin May 5 zinglei sang ah tlamtling tein an laak khawh.
“Nizan ah khan zan khuadei ti awk in SAC lei nih vanlei in kahdohnak a tuah ko nain KIA le Ttangti phu nih an laak hi a si.SAC byuha sakhaan ah hin ralkap thazaang 250 tluk an um i kahdohnak ah a thi lo mi cu an zam viar hna.Sumprabum khuapi zong kan tlaih khawh cang” tiah KIA thawnghram pakhat nih a chim.
Kachin Independent Army – KIA nih hin 2024 Marh 7 thok khan biatak tein kahdohnak a kalpi i a tutiang ah SAC sakhaan tampi an laak khawh cang.
