Myanmar ramchung ah sui man kai dingin an tuah tiin Aung Thamardi sui dawr U Aung San Win, Zwe Htet suidawr,Weint Sein le Academy sui thenh nak rian ngeitu hna telhin sui dawr ngeitu le sui in chawlehnak a tuah tu minung 10 cu tlaih dingin SAC nih June 2 ah warrant an chuah.
May 30 ah khan kawlram chung sui man cu shekel khat ah kyats sing 59 tiang a phanh caah SAC nih sui in chawlehnak a tuah tu minung 21 an tlaih hna i cuti an tlaih mi hna nih an chim ningin an kherh hlai than i a tu bantuk in minung 10 tlaih dingin warrant an chuah hi a si.
SAC nih Warrant an chuah mi hna cu
- Aung Thamardi sui dawr ngeitu U Aung San Win
- Zwe Htet sui dawr ngeitu U San Win
- Weint Sein sui dawr ngeitu U Aung Kaung Myat
- Academy sui thenhhlimh nak ngeitu U Myo Thu Win
- Sein Kyaw Moe sui dawr ngeitu U Kyaw Nyeing
- Khayan Tungkua sui dawr ngeitu U Tat Naung Win
- Shwe Zin Win sui thenhlimh nak ngeitu U Aye Kyu
- Sui in chawlehnak a tuah tu U Kyaw Win
- Sui in chawlehnak a tuah tu U Nyi Nyi Oo le
- Sui in chawlehnak a tuah tu Daw Htin Htin Khaing hna an si.
SAC ralhraang hna nih sui lei rian tuan tu minung 10 tlaih dingin warrant an chuah ko hna nain SAC chungtel a si mi Daw Thet Thet Khine i sui dawr a si mi Shwe Nan Daw le SAC ralbawi hna he aa pehtlai mi sui dawr hna cu a hlan ning tein tuan nak nawl an pek ko hna tiah theih a si.
