Sudan Uknak Latu Ralbawizik Nih Vancichoh Sin Ah Uknak Ap Tthan
Kan hnu thla chung i Sudan ram ralkap nih uknak lak ruang ah inn hrenh kanh a simi Vuancichoh Hamdok sin ah ralkap nih uknak an ap tthan cang.
Ralkap nih uknak an lak ruang ah an ramchung ah lamzawhnak a karh tuk lio pi ah uknak latu ralkap bawizik General Abdal Fattah Al- Burhan le Vuancichoh hna nih uknak power i phawtzamh ding timi hnatlaknak min an thut.
A sinain a luancia kumhnih lio ah Prime Minister Hamdok cu Prime Minister si ding in min a rak petu phu hna nih cu hnatlaknak cu an duh lo i an al nain, Prime Minister Hamdok nihcun mipi thisen luannak a daih nak hnga ka cohlanmi asi tiah a chim ve.
Sudan ram khualipi Khatoum khuapi lamcung in President innpi lei panh in mizapi lamzawhmi hna cu palek nih tear gas in an kah hna i minu an tthencheu hna, Mizapi nihcun ramkhel rian in ralkap i tel bak lo ding le ralkap nih ramkhel chuah tak ding in an ua hnawh hna.
Sudan ram cu October 25 ah ralkap nih uknak an lak i lamzawh ruang ah mizapi 40 nak tlawmlo an nunnak liam.
# BBC
