Mandalay ramthen,Singu peng Wapu-chat khuate hrambunh SAC sakhaan pakhat cu dothlennak ralkap nih an laak i cu kahdohnak ah SAC lei in Lt.Col Htin Ko telhin 11 an thih leng ah minung 15 cu a nung in an tlaih hna.
April 28 zinglei sang ah Wapu-chat khuate hrambunh SAC sakhaan cu Mandalay PDF nih an tuk i an laak hnu ah meithal zun 19,60MM hriampi le kuanzen tampi an laak tiah kan theih.
Kaphnih kar kahdohnak ah Mandalay PDF lei in hliam tuar an um lo tiah theih a si i Naungchio peng zong ah Mandalay PDF le SAC kar ah kahdohnak pehtlai in a chuak cuahmah tiah theih a si.
Mandalay PDF nih SAC caah a biapi mi sakhaan pawl cu pehtlai in kan nam cuahmah i SAC ralhraang an hram in kan bawngh khawh hna tiang hmai kan nor rih lai tiah zapi theihternak an tuah .
