Singapore Ah A Rak I Celh Dingmi Myanmar Football Team Cu Singapore Um Myanmar Mizapi Nih Tha Pek An I Tim Lo
Singapore ram ah ASEAN SUZUKI zuamnak ah Myanmar ram aiawh in a rak i zuam dingmi Myanmar Football Team cu singapore ummi Myanmar mipi hna nih va zoh in thazang kan oe lailo tiah Singapore phan Myanmar Football Team thazang petu hna nih dirhmi ”Myanmar Football 12th Players ” nih cathanh chuah.
Myanmar Football 12th Players cu Singapore ah a rak chuih tawnmi MFT match paoh ah biatak tein thazang pe pengtu an rak si i tutan tucu Stadium tiang kal in thazaang kan pe ti lailo tiah an thanh.
Tulio kan ram buainak, Ralhrang nih uknak hramhram in a lakmi kan cohlan khawhlo caah tutan ah Myanmar aiawh in a rak chuih dingmi hna hi kan cohlang hnalo i thazang pek zong kan i timhlonak asi tiah an thanh chih.
ASEAN SUZUKI Cup cu Singapore ram nih inntek in a tuah lai i , Myanmar Football Team cu December 5 ah Intek Singapore, December 8 ah E. Temaw, December 11 ah Thailand le December 18 ah Philippines hna he tiin Group level an chuih lai.
