Sianghleirun sianghngakchia 4 cu SAC nih kum 3 thong thlak ding in biachahnak an tuah
A luan cia March thla ah SAC nih an tlaih mi sainghleirun sianghngakchia 4 cu pohma 505(က) in taza an cuai hna i tuni August 5 ah Insein thong chung tazazung ah thong kum 3 cio thlak ding in biachahnak an tuah hna tiah Yangon Economic University Union nih cathanh an chuah.
Economic sianghngakchia Ko Kyaw Htet Aung,Ko Thet Aung Moe,Monywa Economic sainghngakchia hlun Mah Moe Man Su le Yangon nitlaklei sianghleirun i Ko Sai Min Khant hna cu a luan cia March thla chung ah Botahtaung peng ah an tlaih hna i an tlaih hna thla 5 a roh hnu ah a tu ban tuk in kum 3 chung thongthlak ding in biachahnak an tuah.
Cu sianghleirun sianghngakchia 4 hi a tu biacahnak an tuah mi 505(က) leng in Yangon nichuahlei tazazung ah a dang thaza an cuai mi he hmai tonh ding an ngei rih tiah Yangon Economic University Union nih an langhter.
Ram chung ah uknak an lak hnu SAC doh in duhlonak a langhter tu mino le sianginn hruaitu mino pawl cu SAC pawl an an tlaih hna i thong kum sau thlak ding in biachah mi le thihdan pek ding in biachah mi an um.(Crd.BBC Burmese)
