Chin ramkulh,Paletwa peng um SAC Shinletwa sakhaan laak kahdohnak lio ah a tlizam mi SAC ralhraang hna cu AA le MDF nih an dawi hna hnu ah kaphnih kar kahdohnak a chuak than i SAC ralkap 6 an thih leng ah anung in 10 nak tlawmlo an tlaih hna tiah theih a si.
Cu sakhaan in a tlizam mi SAC ralhraang hna cu an kawl than hna i January 5 zaanlei slm 5 tluk ah Myanmar –India ramri hmun pakhat ah kahdohnak a chuah hi a si tiah MDF defense secretary nih Zalen ah a chim.
“A zam mi SAC ralkap cu kan dawi than hna i kaphnihkar kahdohnak a chuak.SAC lei in 6 an thih leng ah 10 nak tlawmlo cu an hriamnam he kan tlaih khawh hna.cheukhat cu India ram an lut cang” tiah a chim.Ramri hrawng ah kahdohnak fak in a chuak kho mi a si caah zapi umkal iralrin ding zong a chim chih.
SAC ralkap thazaang 200 tluk an um nak Shinletwa sakhaan cu Rakine ralkap AA le Maraland Defense Force MDF ttangti phu hna nih January 2 ah khan an rak laak.
