Shan ram chaklei Kokang MNDAA nih an laak cang nak Namh-sa-lat sakhaan cu SAC nih nihin November 23 zanlei slm 3:18 ah sivai a ngei mi chemical bomb in a kah tiah MNDAA thawng thanh nak the kokang nih a langhter.
Nihin zanlei sang ah SAC nih sivai ngei chemical bomb lung 4 a kah caah MNDAA ralkap cheukhat khu vai an i dawp caah lungmih le luak a lua mi an um hna tiah an langhter.operation 1027 a thok hnu in ttangti phu 3 nih SAC sakhaan an laak mi zapi hi 200 tluk a si cang leng ah khuapi 9 zong an laak khawh cang caah SAC nih chemical bomb hman lo ding timi hnatlaknak cu zul ti lo in dothlennak ralkap hna dohnak ah chemical bomb voi 3 tiang a hman cang tiah an langhter.
Aluancia November 18 ah TNLA nih an laak mi sakhaan pakhat cu SAC nih chemical bomb a rak thlak caah TNLA ralkap pakhat sivai a rak i dawp sual.cu bantuk thiam thiam in November 14 lio zong ah TNLA nih Lashio peng Maing-kyat sakhaan an rak kah lio zong ah chemical bomb cu a rak hman tiah an langhter.
