Shan ram chaklei hmunram ah SAC le unau phu 3 ttangti hna karlak caankarlak kahdohnak ngol ding in Kumin khua ton biaruahnak ah hnatlak nak an ngeih kong biaruahnak ah aa tel ve mi pakhat nih RFA ah a chim.cu hnatlaknak cu January 11 zan slm 10 in nunter a si cang .
Ton biaruahnak a phichuak ah kaphnih kahdohnak ngol chung ding,unau ttangtiphu 3 zong nih khuapi le sakhaan laak kahdohnak ngol ding le SAC lei zong nih vanlei le hriamngan kah hna ngol ding timi hna an itel.
Hi hnatlak nak cu Shanram chaklei hmunram ca lawng ah asi i Rakine ramchung aa tel lo tiah theih a si. Tuluk ram Kumin khua ah tuah mi ton biaruahnak ah cun MNDAA lei in Phone Khone,Kyanshin le chungtel 5,ULA/AA lei in Dr.Nyo Htun Aung la chungtel 7,PSLF/TNLA lei in Brigadier General Tabungkyaw le chungtel 7 le SAC lei in Lieutinant General Min Naing le chungtel minung 5 hna tonnak an ngeih hi a si.Tuluk ram lei in a tawlrel piak tu hna chung in Mr.Deng Xinjun le chungtel hna zong an kai ve tiah theih a si.
2023 October 27 in aa thok mi Operation 1027 hnu ah Shan ram chaklei um Chin Shwe Haw,Kunlong, Mungku,Kyukauk,Kunkyan le Theinni khua hna cu MNDAA,AA,KNDF,PLA le BPLA ttangti phu hna nih an laak i Hupan le Panlong khuapi hna cu UWSA sin ah pekchanh a si.
Namhsam,Mantung,Namhkam,kutkai,Mailung,Maingaw le Namhmatu khuapi hna cu TNLA le ttanti phu hna nih an laak ve caah Shan ram chaklei ah khuapi 22 a um mi chung in khua 15 cu ttangti phu 3 nih an laak khawh cang mi a si.
