Saw Peng Ah SAC Ralkap Nih Jet Frighter In An Kah Ruang ah Tual Chung Mi 4 A Nunnak A liam.
========================================================
December 26, 2022
Magwe Ramkulh, Saw Peng Ah SAC Ralkap nih Jet Frighter in tu ni December 26 zanlei sml 2 hrawng ah an rak kah hna ii tual chung mi le inn pawl a ken hna tiah theih asi.
Saw peng khua pakhat ah SAC Ralkap nih Jet frighter in an kah ruang ah tual chung mi 4 a nungnak aliam ii a tu ah hliam a tuar mi 5 nak tlawm lo an um tiah khuami pakhat nih The Mindat Post ah a chim.
“Khua chung cu an rak kah ko. A tu ah 4 an thi cang. Hliam a tuar mi 5 an um. An hliam hma cu thin phan tuk a si lo” tiah a chim.
A nungnak a liam mi tual chung mi 4 chung ah 3 hi kum 35 hrawng pa an si ii pakhat cu kum 55 hrawng nu pakhat a si tiah a chim.
SAC Ralkap kahnak ruang ah inn a tlawm bik 4 a hrawk ii mah nak tam deuh zong a hrawk kho tiah theih asi.
SAC Ralkap rallam cu Magwe ram kulh ah nifatin an cawlcang ruang ah khuami pawl ralring in an thu dir ding in tual chung hriam tlai pawl nih ralring an pek hna.(Crd. The Mindat Post)
