Salingyi peng (ဆားလင်းကြီး) palik sakhaan cu hriamnam ngan in an kah hna,Ywangan(ရွာငံ) le Pindaya(ပင်းတယ) lam lei ah SAC ralkap mawtaw cu bom in an puah hna
Sagaing ramthen,Salingyi peng palik sakhaan cu tuni July 11,zinglei 2 hrawg ah mipi vengtu phu pawl nih hriamnam nganin an kah hna caah SAC ralkap 3 leng an thi tiah(တွေ့ရာသင်ချိုင်းဓားမဆိုင်း) guerrilla force sin in kan thieh.Cu palik sakhaan cu (တွေ့ရာသင်ချိုင်းဓားမဆိုင်း ) guerrilla force battalion(1),battalion(2),battalion(4) pawl nih MM 120, MM 80 in an kah hna i SAC ralkap 3 leng an thi , hliam hmu mi an tam kho men tiah theih a si.
SAC ralkap lei zong nih drone 2 in an kah hna nain him tein hnu an kir ko tiah theih a si.
Cu ban tuk in Shan ramkulh,Ywangan le Pindaya lam lei ,Nyaung Kone le Laatpan kar ah SAC ralkap mawtaw run 7 cu mipi vengtu phu nih July 10, chun 1 hrawng ah bom an puah hna i SAC ralkap 10 leng an thi tiah Kyaukse Red Dragon phu sinin theih a si.
Cu mawtaw run chung ah cun Ywangan le Pindaya township officer Aka Lin (မြို့နယ်ဦးစီးမှူး အာကာလင်း)a tel i Ywangan in a kir lei ah Kyaukse Red Dragon guerrilla phu le Ywangan mipi vengtu phu nih an doh hna hi a si tiah theih a si.
Cu bom puahnak ah cun SAC ralkap mawtaw 2 a rawk i ralkap 10 leng cu a hmun ah an thi.Cu ruak le a hliam mi ralkap pawl cu Aung Pan peng ralkap siizung ah an kal pi hna tiah theih a si.(Crd.Khit Thit Media)
