SAC Rlahrang Nih An Cawkmi USD 204 Millions Man Russia Ser SU- 30SME Fighter 6 Naypyidaw Phan La
SAC ralhrang nih 2018 ah USD 204millions in sign an rak thut i an cawkmi Russia ser SU-30SME raltuknak vanlawng 6 cu tuzarh chung ah Naypyidaw an phan lai tiah theih asi.
Russia sermi IL-76TD thilphurhnak vanlawng nih March 10,12 le 14 ni hna ah SU-30SME 6 le thilri dang hna cu Naypyidaw ah a van chiah hna lai.
SAC ralhrang nihhin Russia sermi Sukhoi tiah auhmi SU30SME raltuknak vanlawng pakhat ah USD 34 millions in 6 (204 millions) man cu 2018 ahkhan minthut in a rak cawk hnu kum 5 deng a rauh hnu ah Naypyidaw ah van chanh ding an si.
