Thailand ram i Airspace chungah Myanmar SAC raltuknak vanlawng a luh sual a si cun minute 5 chungah kahthlak dingin Thailand vanlei ralkap hna cu Defense minister nih nawl a pek hna kong Khaosod English nih an tarlangh.
Thailand defense minister a si mi Sutin Klungsang nih nizan nilini ah khan nawl a pek hi a si.
Kan hnu ah khan Thailand-Myanmar ramri ah a ummi Myawaddy khua cu dothlennak ralkap ttangti phu hna nih pehtlai in an tuk i an laak caah Thailand zong nih ramri ah an ralkap tamngai an chiah hna.
Cu leng ah SAC ralkap raltuknak vanlawng nih ramri lonh in Thailand ram airspace a luh sual ah cun Thailand ralruknak vanlawng F-16 pawng hmangin kah thlak ding ah timhcia te i um ding ah nawl a chuah hi a si.
Thailand ram F-16 raltuknak vanlawng cu slm 24 chung zeitik caah poah ah timhcia in chiah a si i ramchung ah hnahnawhnak pe kho tu an luh sual cun minute 5 chung ah kah khawh dingin timhlamh a si.
