SAC Ralkap nih Ralkhamnak Phaw Caah Minung An Hman Hna Tiah KNU Nih Cathanh An Chuah.
=============
KNU Brigade (1) Hmun chung ,SAC ralkap an tlung lai ah Khuami pawl cu an tlaih hna ii Ralkhamnak phaw caah an kal pi hna tiah KNU nih cathanh an chuah.
Tatun pengkomh,Tilin khua chung ah Lakay SAC ralkap sakhaan in hmunhma thleng ding ah a kal mi (Kah- Mah – Yah 401,410 ) phu fonh nih WintaPa sakhaan in an kir lei ah pawngkam khuami Pa 9 cu an tlaih hna ii an kal pi hna tiah theih asi.
Cu khuami chung in Kame khua le Tapawti khua pa 3 cu September ni 6 ah an thlah hna ii Nawkadeki,KyuatTaung le Nuktalaa khuami pa 3 cu thlah lo in Petetaw SAC Sakhaan ah an kal pi hna tiah theih asi.
Laykey khua ah umhmun khuar mi SAC ralkap pawl cu Laykey Sakhaan zak nak caah Thing le rua pawl cu Laykey khua le Mitkyo khuami pawl sinah an hal hna tiah KNU Nih an langhter.
KNLA,KNDO, le tlang cung hriam tlai phu hna hen Laykey sakhaan ii ralkap hleng ding ah rallam sial mi ( Kah – Mah – Yah – 410 ) phu khar cu August 30 ah kahdohnak a chuak ii SAC ralkap 9 an thi,2 hliam an tuar tiah theih asi.
