SAC ralkap le SNA ralkap nih inndong 400 leng an umnak Hpakant,Selzin khua cu a ning piin a khangh
Kachin ramkulh,Hpakant peng,Selzin khua inndong 400 leng cu SAC ralkap le SNA ralkap nih an khangh tiah khuami nih an chim.
Nizaan August 9 zaan ah SAC ralkap le SNA ralkap nih Selzin khua ah an lut i mei an khangh.Cu Selzin khua cu mei an khangh hlan ah vanlawng in bomb an rak thlak,hrianngan in kahnak pawl SAC ralkap nih an tuah tiah theih a si.
“Selzin khua hi inndong 400 leng an um i a tu cu khua ning pi in a dih cang ko.SAC ralkap le SNA ralkap i fonh in mei hi an khangh.Nizaan zaan sml 10 hrawng ah thok in vanlawng in an kah.Cun hriamngan zong in an kah.Cu dih cun SNA ralkap pawl an rak lut i khua ning piin mei hi an khangh.Cycle le mawtaw pawl zong an pumh i mei an khangh” tiah khua mi pakhat nih a chim.
Selzin khua pawng ah a um mi SNA sakhaan,SAC ralkap sakhaan pawl cu KIA le PDF phu fonh nih an lak hnu ah kahdohnak a fak.SAC ralkap le SNA ralkap lei in 15 leng an thi hnu ah SAC ralkap nih Selzin khua ning piin mei an khangh hi a si tiah theih a si.(Crd.Khit Thit Medai)
