SAC Ralkap A Thi Mi An Tam Hnu In Moebye khua Cu Hriamnam Ngan le Jet Frighter In An Kah Hna,Mindat Le Monywe Ah Ralkap 9 An Thi.
======================================
Shan Ramkulh le Karin Ramkulh ramri,Phekung Peng,Moybye khua nizan kahdohnak ah SAC Ralkap 20 hrawng an thi.Hriamnam pawl an lak khawh hnu in tuni ah SAC Ralkap nih hriamnam ngan le Jet Frighter in kahdohnak an tuah tiah theih asi.
Tuni September 9 zinglei thok in SAC Ralkap nih Moebye khua cu hriamnam ngan an kah ii ralzaam pawl an karh tiah theih asi.Ralkap motor tam in Moebye khua lei an kal.Zanlei 3 ah Jet Frighter in an rak kah hna tiah khuami pawl nih an chim.
“Zinglei in hriamnam ngan in an kah hna.Nizan ah chun ni thlak kahdohnak a fak .Zanlei sml 3 hrawng ah Jet Frighter in an doh hna.Khua chung ah Khuami pawl a cheu an um ii leng zong an chuak ngam lo.Kahdohnak a fak “tiah Moebye khuami pakhat nih a chim.
Cun Chin Ramkulh,Mindat peng ah Tuni September 9 zinglei sml 11:35 hrawng ah CDF-Mindat le SAC ralkap pawl Melakung pawng ah kahdohnak a chuak ii Kyautthu Ralkap nih hriamnam ngan in an rak bawmh hna.Kahdoh chung ah SAC ralkap lei in 3 an thi ,tam an i hliam tiah CDF-Mindat an thanh.
Cunban tuk in September 8 zanlei 3:48 hrawng Monywe – ChuangOo hmun khat ah Sagaing in Monywe lei ah a rak chuak mi SAC ralkap motor 8 cu Bomlung 3 in an puah hna ii SAC Ralkap 6 an thi tiah People’s Defense Force – South Monywa nih cathanh an chuah.
