SAC Ralhrang Anmah le Anmah An I Zumh Tilo, An Ralkap Cheukhat An Facebook An Chek Hna
Ralhrang phu chung ah zumhlo deuhmi minung paoh an phone an chek piak hna tiah theih asi.
SAC ralhrang ralkap cu tlik zaam a duh mi an tam tuk ruang le ralkap chung biathup leng a chuah lengmang ruang ah ” Melon Operation” an ti Battalion kip ah phone le facebook cheknak an tuah.
”Ralkap chung ah mah le mah i zumh lonak a karh i, Khat le khat i ngiatthlai peng asi ralkap lawng si loin ralkap chungkhar ning in ngiatthlai kan tong, Ralbawi cheukhet nihcun an zumh deuh lomi an kuttang minung kha an phone le an facebook tiang in an chek hna Min Aung Hlaing lungput an ngei ” tiah ralkap chungkhar pakhat nih a chim.
Cu lawng si loin mah ralkap hawi cung ah i lungsi lonak um ruang ah ”melon” ( tatsa phoh) a si tiah i puhnak te hna zong a karh i ralkap chung ah i tlukruannak a umlo an lungtlin deuh lomi paoh fimtawl colh ding phun in an um i lenglei he i chonh biak zong a ngah lo ” tiah a chim chih.
