2023 July – September thla kar thla (3) chung ah SAC ralhraang hna nih hriamngan an kah mi , Vanlei in kahdoh nak an tuah mi le rallam an sial nak ah ruang ah Myanmar ram chung in Nu (56) nunnak a liam tiah Burmese Womens Union (BWU) nih October 12 ah a thanh.
Cu hna chungin Vanlei kahdohnak ruang ah (6),Hriamngan nih hliamh ruang ah (30) ,Meithal kah in thah a tong mi (13),Meikhangh in thah a tong mi (3) le tukvelh in thah a tong mi (2) an si hna .Cu hnu ah tlaihkhih in thah a tong mi (1) le ralhraang nih an tlaihhrem hnu ah an thah mi (1) zong an um tiah an langhter chih.
Ramkhel ruangah thongtla hna zohkhenh tu AAPP cazin zohchih in kan laak mi cazin a si tiah BWU nih an langhter.
July thla in September 28 tiang ah thla (3) chung ah Nu (43) tlaih an tong i Myanmar ramchung ah Democracy kong ah a nunnak liam mi minung (4146) an um cang tiah AAPP nih October 12 ah a langhter.
