Kachin ramkulh,Waingmaw peng Naphaw SAC sakhaan ah riahcaw a rak chan mi SAC Helicopter pakhat cu KIA nih an kah thlak khawh tiah KIA in chimphuan nak nawl ngeitu Colonel Nawbu nih Khit Thit media ah a chim.
Nihin January 3 zinglei slm 11:59 ah a tu bantuk in an kah thlak mi a si i thil sining dikthlir theih khawh a si rih lo tiah a chim.
“Myitkyina in a rak zuang mi a si i khoi ka zawn ah dah a tlak timi tu cu a fiang rih lo,an kah thlak timi tu cu a dik mi a si” tiah a chim.
Waingmaw peng Kantawyan khuate ah Naphaw SAC sakhaan a um i cuka cun SAC helicopter 2 in riahcaw an rak chanh hna,pakhat cu an kah khawh caah mei a kaang i a tla tiah KIA lei in an chim chap.
