Ramkhel lei in siseh raltuknak lei in siseh a tlacham cang mi SAC hna caah a rau ti lo mi caan ah a tu nak fak deuh mi kahdoh nak a ra than lai tiah KNU in chimphuan nak nawlngei tu Pado Saw Taw Nee nih nihin November 17 ah a chim.
Tlangcung hriamtlai phu hna nih fek tein kan kal pi cuahmah mi democracy kong,tluk ruan nak kong le mah ten khuakhan lairel khawh nak hna cu a tutan 2021 hnu in a chuak mi Pau dothlen nak hnu ah mithmuh kut tawng in nifatin hmuh khawh a hun si cang.
KNU hmunram chung ah SAC nih uknak an laak sinin 2023 September thla dongh tiang ah SAC le KNU karlak ah kahdoh nak voi 11608 a chuak cang i cu chung ah ralhraang 10741 an thi,hliam tuar mi 7779 an si i can zapi fonh ah SAC minung 18520 hi KNU hmunram ah a pam cang mi an si hna tiah a chim.
Cu bantuk a si caah a tutan ah kalpi cuahmah a si mi operation 1027 zong ah ralhraang thazaang an chap kho ti hna lo.
A lam kip in a sung cuahmah mi ralhraang hna nih mizapi lung aw tawm ding in thil a tuah te lai caah mizapi hna ralrin kan herh kong zong a chimchih.SAC an sungh tuk cang caah ramkhel kong ah thong a tla mi milar taktak thlah than in mizapi lungawtawm ter in maw a si lo ah an mah chung in hruai tu ithlen ter i mizapi lungthin buaiter ding in a si khawh nak lamkip a kawl ve te lai caah mizapi hna nih lung vaivuanh lo tein kan khel cuahmah mi ralhraang hna an hram bawngh ding timi kan i tlaih peng a biapi taktak tiah a chim.
