Shan ram chaklei Kokang hmunram Shi-Shan RanKhun khua ah hram a bunh mi SAC Infantry battalion 129 in battalion commander major Kyaw Ye Aung hruaimi battalion pakhat in ralkap vialte an zapi in ttangti phu 3 sin ah an i fonh tiah theih a si.
Ttangti phu 3 sin ah aa fonh IB 129 battalion ah hin ralkap 126 an um i an chungkhar dihlak he cun minung 262 an si i ralkap pakhat ah phaisa sing 10 cio le an chung le minung 1 ah sing 1 cio laksawng an pek hna tiah theih a si.
“Ralkap minung 126 le an chungkhar minung 262 hna nunhim nak ding caah mipi sin ah ifonh kho ding in a tuaktaan tu battalion commander Kyaw Ye Aung cu kan mah phu lawng nih si loin Myanmar mizapi nih upat nak kan in pek” tiah an cathanh ah an langhter.
AA sin ah nizan November 13 ah palek minung 28 hriam an chiah tiah theih a si i 1027 operation ai thok October 27 in nihin tiang ah ttangti phu 3 sin ah a fonh mi minung 200 leng an si cang tiah theih a si.
