Russia Nih Ukraine A Tuk Nikhatnak Ah Ukraine Minung 137 An Nunnak Liam I 316 Hliam An Tuar
Russia nih Ukraine a tuk nikhatnak nizaan, February 24 nikhat chung ah civil le ralkap tel in minung 137 an nunnak liam i 316 hliam an tuar cang tiah Ukraine President Zelensky nih a thanh.
Russia nihcun Civil mi harnak an tong lailo i ka tawng bak hna lai lo tiah a chim ko nain Missile in a van kah hna tik ahcun civil mi inn a khen caah inn a rawk pin ah civil mi thi le hliam an tam.
Russia nih Ukraine a kuhhnawh rual rual in Ukraine cozah nih civil mi meithal tlaihnak nawl a pek colh hna i ramchung reserved army zong ralkap ah a kuhter dih colh hna.
Ukrainian pawl ral a zammi zong an tam kho taktak cang tiah theih asi.
