Russia Mipi 14000 Leng Lamzawh Ruang Ah Tlaih An Tong Cang
Russia nih a ruang um loin Ukraine a tukmi duh loin lamzawhtu an karh i kan hnu sunday zong ahkhan Russia ram khuapi kip ah lam an zawh tthan i nikhat chung ah minung 700 leng palek nih an tlaih hna.
Hi lamzawhnak a ngiathlai i record tuah pengmi OVD-Info nih a thanh ning ahcun Russia time zaan 6:30 tiang ah ramchung khuapi 37 in tlaih a tongmi minung 745 an si i Khualipi Moscow in minung 535 an si tiah a thanh.
Moscow khuachung i lamzawhnak ahhin Media Card a ngei lomi paoh palek nih an tlaih thluahmah hna i ” Vawlei pi hi dai hram koseh ” tiah a au mi nu pakhat zong palek nih an tlaih tiah Moscow ah thawngpang lak ah a ummi AFP reporter pakhat nih a chim. Russia khualipi nganbik chang Saint Peterburgb zong ah an tlaihmi hna an tam ngai i khuapi laifang Nevsky Avnue ah palek mawtaw a tlar bak in an i tlar i lam an phih tiah a chim chih.
Russia ramchung dihlak ah lamzawh ruang ah kan hnuzarh chung lawng ah minung 5000 leng an tlaih hna i, Rissia nih Ukraine a tuk ni thok February 24 tutiang ah lamzawhtu mipi 14000 leng an tlaih cang hna.
Ref: VOA
