Rohingya Miphun Nih Facebook Taza An Cuai
Rohingya miphun nih Facebook company cu American ram ah biaceihzung ah $ 150 Billions liamh ding in taza an cuai.
Rohingya miphun ning in hruhru hranghrang in thahnawn an rak tonmi kong ah huatnak le bia chiah kha a chuakmi hna cu Facebook nih zohfel a tlolh ti ruang ah tu bantuk in American ram ummi Rohingya pawl nih $150 billiond liamh ding ah Facebook company taza a cuai hi asi.
American ram phan Rohingya pawl lawng siloin Europe ram phanmi Rohingya pawl zong nih British ram biaceihzung ah Facebook tanza an cuainak ca cu an chiah ve, Huatnak bia, Thleidanak, Fake News( Thawngdeu) pawl Facebook cahmai ah an ttialmi nih Rohingya miphung minung tam tuk caah harsatnak a chuahpi tiah report ca ah an ttial chih.
Kum 2017 lio i Myanmar ram, Arakan(Rakhine) ramkulh chung in Rohingya miphun a nuai in an zaam nak le a thong thong in thahnawn an rak tonnak kong zong ah Myanmar ralkap an sual le suallo ICC ah ceihhmai cuahmah asi.
Rohingya miphun nih Facebook taza an cuaimi kong ah Facebook Company lei in lehnak zeihmah a um rihlo.
#RFA
