Rih peng ahbattalion uktu buhmuci pahnihnak Wei Myo Paing cu drone in an thlak mi bomb nih a khen caah a thi,Falam peng ah a um mi SAC ralkap sakhaan cu Chin mipi vengtu phu fonh nih an dohnak i SAC ralkap 8 an thi
Chin ramkulh,Falam peng,India-Myanmar ramri,Rikhawdar peng ah SAC ralkap battalion uktu buhmuci pahnihnak Wei Myo Paing cu drone in bomb an thlak mi nih a khen caah a thi tiah ralkap lei news sinin theih a si.
SAC ralkap battalion uktu buhmuci pahnihnak Wei Myo Paing cu ralkap sianghleirun ah အပတ်စဉ် ၄၅ in sianginn a dih mi a si.A ralkap pawl hi Rih ah sakhaan an chiah.A tu a thih hi drone in bomb an thlak mi nih a khen caah a si.Wei Myo Paing hi a hlan cu battalion uktu pahnihnak buhmu reng in ခလရ-၁၈(Hinthadah) ah a rak tuan.Cu ka in cun Rih ah an thial tiah ralkap lei news nih a chim.
Chin ramkulh,Falam peng,India-Myanmar ramri,Rikhawdar peng chung um Cheu SAC ralkap sakhaan cu tuni August 10 zing sml 2 ah Chin mipi vengtu phu fonh nih an doh hna i SAC ralkap 5 an thi tiah Chin ralkap CDM-Siyin nih cathanh an chuah.
India-Myanmar ramri,Cheu SAC ralkap sakhaan cu CDF CDM-Siyin,PDF Zoland,CNDF le MEDF pawl nih tuni zinglei ah an doh hna i zing sml 7 tiang kahdohnak a chuak.Cu SAC ralkap sakaan in ralkap 4 cu hriam i ken lo in Chin ralkap sin ah CDM an lut.SAC ralkap lei nih cu kahdohnak a chuaknak pawng hrawng cu Jet vanlawng 2 in an vel len.Kahdohnak chung ah CDM-Siyin ralkap 1 zong hliam a hmu tiah theih a si.
Cun India-Myanmar ramri,Chin ramkulh,Falam peng,Khawmaw (ခေါ်မော) khua lut nak tlang cung ah a um mi SAC ralkap sakhaan cu Mountain Eagle Defense Force(MEDF) nih August 1,2,3,6, le 7 ni pawl ah drone in bomb an thlak hna i SAC ralkap 3 leng an thi kho men tiah MEDF nih cathanh an chuah.
MEDF nih bomb 45 an thlak hnawh hna i SAC ralkap sakhaan um thlam le ralhruang khor pawl cu an rawk.SAC ralkap lei zong nih an rak kah than hna nain MEDF lei an him tiah theih a si.(Crd.Khit Thit Media)
