Tlangcung hriamtlai phu hna le SAC karlak ah 2015 lio raktuah mi Remdeih Hnatlaknak Minthut NCA kum (8) tlin camtuak cu 2023 October 15 ah SAC nih a tuah i cu puai ah cun Chin National Leauge For Democracy (CLND) chairman hlun Pu Zo Zam a kai ve tiah theih a si.
2015 lio NCA ah CNF nih min a rak thut lio zong ah Pu Zo Zam cu a rak i tel ve.2021 in SAC nih hramhram in uknak a laak sinin rampumpi remdeihnak minthut cu a rawk cang i SAC nih mipi cung ah a tuah cuahmah mi thiltha lo a ngol hlanlo chung poah cu hi minthutnak ah le ceihhmai nak ah kan i tel lailo tiah CNF,ABSDF le KNU hna nih October 12 ah cathanh an rak chuah cang.
Communist Party nih a hrin mi miphun luatnak timi ruangah tlangcung hriamtlai phu an rak chuah hi a si,SAC ralkap huat ruang ah a chuak mi hriamtlai a tu tiang an um lo tiah ralhraang bawizik Min Aung Hlaing nih a chim.
2015 lio raktuah mi NCA minthut ah hin tlangcung hriamtlai phu (10) an rak i tel nain uknak laak a si hnu ah KNU,CNF le ABSDF hna telh in phu (5) cu an i tel duh tilo i a dang phu (5) a simi ALP,DKBA,KNU/KNLA-PC ,PNLO le RCSS hna he cun pehtlai in ceihmai nak an ngei tiah theih a si.
