Ramdang ah sianginn a kai mi le rian a tuanmi vialte zong an tlun than tikah ralkap lut ter viar an si lai kong SAC lei chimphuannak nawlngeitu Col.Zaw Min Htun nih nihin ah a chim.
Ramdang sianginn kai le riantuan hna cu ralkap luhding Upadi section 15 ning tein an ralkap lu dingcu thawnpiak an si lai nain Upadi section 15(B) ning in an kir tik ah ralkap rian cu zulhphung ning tein an tuan hrim hrim lai tiah a chim.
Kum a tling mi vialte ralkap luhding Upadi cu tukum Kawl titawihpuai (Tinkyan) a dih in thok a si canglai i a voi khat nak training pek ding ah pa minung 500 laak an si lai. Training a voi 5 nak a dih in Nu zong laak an si lai tiah a chim.
SAC nih voikhat training pek ah minung 5,000 in pek an i tim i kum khat chung ah ralkap thazaang minung 60,000 khawmh khawh dingin timhlamhnak an ngeih kong theih a si.
