Rampi uknak a la tu Ralkap Council nih State Counselor Daw Aung San Suu Kyi cu pawngkam harsatnak phungzulh lo ruang ah tiah taza an cuai chap tiah Daw Suu le President U Win Myint tazacuainak case kong ah tawrel tu Sihni u Khin Maung Zaw nih BBC ah a chim.
Daw Aung San Suu Kyi cu pawngkam harsat tawlrelnak phung cang 25 ning in taza an cuai chap hi a si i, zeiruang set ah taza an cuai ti mi hi theih khawh a si rih lo. Nihin February 16 ah Video Conference in an tuah mi biacaihnak ah Daw Suu le President U Win Myint hna cu biacaih an si.
Cu hlan ah Daw Aung San Suu Kyi hi phunglut lo Walkie Talkie kuatchanhnak a tuah timi ruang ah Phunglut lo thil kuatchanhnak phung cang riat in taza an rak cuai cang. Cu leng ah President U Win Myint cu Pawngkam harsat tawlrelnak phung cang 25 in taza an cuai ve.
Tutan ah Daw Suu le President U Win Myint tazacuainak hi NLD CEC lei in an i hlan mi Sihni U Khin Maung Zaw nih Sihni a tuanpiak hna lai i, President U Win Myint cu a mah pumpak hi Sihni pakhat a si tikah Sihni hlan ka hau lai lo tiah nihin February 16 ah a chim tiah U Khin Maung Zaw nih a chim.
Source: BBC
