Ralhrang Pawl Phaisa Nan Herh Ahcun Nan Kuan Kan In Cawk Hna Lai Tiah CDF-Mindat Nih A Ti Hna
SAC ralhrang ralkap pawl nih phaisa hman dingmi nan ngeih lo i phaisa nan herh i nan kuan zuar nan duh ahcun kan in cawk hna lai tiah CDF- Mindat nih a thanh.
Mindat, Matupi, Kanpalet, Kyaukhtuh, Saw, Gangaw le Htilyn peng chung um mi ralhrang hna nuh MA meithal kuan, 40 mm, 60 mm kuan pawl nan zuar duh ahcun 09448685594 ah pehtlaih khawh kan si tiah CDF-Mindat nih an Facebook Page ah an tar.
Ralharng pawl nihhin an meithal kuan an zuar tawnmi hi pung bantuk in an i ngeih cang i tlangcung hriamtlai sin lawng ah si loin mirum pawl hna sin zong ah an zuar ttheu tiah Pension la cang mi Bogyi pakhat nih a chim.
” Ralram kan kal ahhin kuan a hlei in tam taktak kan i ken kuankhat kan puah mi khi bawmkhat puah in ca ah kan ttial, Lutlai pawl caah a biapi mi tham cu meithal a si kuan cu a tam tuk caah zei ah an rel lo, tlangcung hriamtlai pawl sin ah kan zuar chel um i a leng mirum pawl nih an kan cawk caan zong um a chel caan i tamtuk kan zuar sual tawn ahcun Tatzin dang sin hna ah kuan kan i cawi chung tawn i ralram kan kal nolh tuk ah kan cham tawn hna , A man a ttha tuk i an zuar duh ko lai ”tiagmha chim chih.
