Ralhrang Kuttang BGF Nih Khuate Siizung Luhhnawh,Sii-ai le Thilri Tampi An Lak,KNU Nih Voihnih An Va Kah Hna

Ralhrang Kuttang BGF Nih Khuate Siizung Luhhnawh,Sii-ai le Thilri Tampi An Lak,KNU Nih Voihnih An Va Kah Hna

Ralhrang kuttang simi ramri veng ralkap (BGF) nih KNU humhakmi ram Ba-Aan pengkulh Phalan-ttaung khua sii-inn (ihkhun 16 umnak) cu an luhhnawh i sii-ai le mizaw thilri tampi an chuh hna pin ah umhmun khuarnak ah an hman.

November 16 zaanlei slm 4:00 hrawng ah siizung an luhhnawh hi si i thlalang awmg zong an khuai len hna pin ah siizung saikel pakhat an hrawk , Siizung chung ah khuami luh an sianh hna lo i ”nan luh ahcun kan in kah hna lai ‘tiah an hro hna. Siibawi te le Nurse pawl nih an ttih tuk hna caah an zaam tiah KNU pehtlaihnak zung nih a thanh.

Ral Zulhphung buar in Siizung ah hmun a khuarmi BGF pawl cu KNLA Brigade(1) ralkap pawl nih November 17 ah voihnih an va kah hna i BGF nih hmanmi VIGO Motor 3 ai rawk.

Ralhrang kuttang BGF hna nihcun hmun an khuarnak hmun pawl hi zaan ah ral nih an kan luhhna la ti an phan caah mizapi cu an tlaih hna i phaw( ral satarh) ah an hman ttheo hna tiah KNU nihcun an thanh chih.