Ralhrang Bawi General Min Aung Hlaing Bu-Ta-Ung Kal than a tim
Kawlram Ralhrang bawizik Min Aung Hlaing October thla chung ah Bu-Ta-Ung kal than a tim tiah kan theih.
October thlachung ah Ralhrang bawi Min Aung Hlaing le Ralbawi cheukhat Kachin ram Bu-Ta-Ung, Naung Mon, Khaung Lah, hi hmunthum ah kal than a tim tiah Ralhrang he neih niam nih an chim.
Hi khual tlawn nak ding ah hin, Ralhrang he neih niam pakhat nih Min Aung Hlaing a mah pum pak ra lo in, Ralbawi Seo Win le midang an ra lai tiah a chim.
Pyi Tuh Sit hruaitu hna he ton duh ruang ah hi khual tlawn a timh hi a si tiah an zumh.
September ni 18 lio, Min Aung Hlaing Kachin ramkulh Mit Kyi Na a phak lio zong ah kal a rak i tim na in KIA nih an senh lo caah a rak i let, cu hnu ah a tu ban tuk in kal than a timh hi asi tiah Khit Thit Media nih a tial.
