Ral Ruang Ah Chinram Tawlre Man An Ngei Tilo
Chinram ah cinthlaknak in Pawcamnak pakhat simi Tawlreba cu ral ruang ah a cawtu le zuartu an umlo caah man ngeilo ah ai cang tiab Tawlreba a cingmi pakhat nih a chim.
” Hohmanh nih lo ah va kal in a ba va phuk le a thei lawh ngam silo,Tawlreba cingmi pawl zong ral kan zaam dih caah a hmun zong kan thlo thiam ti hnalo i zu nih an cik an ei dihko cang hna lai, Cucaah tawlreba cingmi pawl cu kan sung cikcek ” tiah a chim.
Kumdang ahcun November le December thla ahcun tawlrethei charcaan a si i cuaikhat ah 7000/8000 hrawng in kan zuar caah tulio hi kan phaisa hmuh bik lio caan a si tawn,Tukum ahcun 4000 hmanh in a zuarnak a umlo ” Tawlreba cingmi pakhat nib a chim.
Tulio ahcun Tuluk lawng nih an cawk Japan pawl rak luh an ngah tilo caah Tuluk nih a niam khawhchung in cawk an kan zuam rih lai.
Nikum zong Covid ruangah Japan pawl anra kholo, kumdang ahcun Tawlreba a car cuaikhat ah 12000 hrawng a si tawn. Tucu japan pawl an rat khawh tilo caah a car cuaikhat 10000 hrawnghrang lawng a si cang i anmah lawng a cawtu ansi caah Tuluk pawl nih hinak niam an i zuam rih lai tiah a chim chih.
Chinram Matupi, Mindat le Kanpalet hna hi a bik in Tawlreba in ai cawmmi ansi hna i Mandalay in Tuluk ramlei ah an kuat tawn.
