Pyusawtthi Training Peknak Khua Tualchung Hriamtlai Phu 7 Nih An Luh Hnawh
Ralhrang kuttang Pyusawtthi pawl training peknak khua simi Sagaing ramtthen, Pale pengkulh, Inma-Hti khua cu PDF phu 7 nih kan luhhawh hna i kan kah hna tiah People’s Revolution Army(PRA) nih tuni (Feb. 8 ) ah a thanh.
Hi Inma-Hti khua hi Sagaing rantthen chung ah Pyusawtthi an tam biknak khua a si pin ah ralhrang nih Pyusawtthi training an peknak hna le hriamnam an chiahnak khua a si pin ah hi khua ruang ahhin PDF tamtuk tlaih an ton cang caah luhhnawh lo awk an tthalo tiah PRA nih an ttial.
Cucaah Dothleng hriamtlai phu 7 fonh nih February 8 zing slm 1:30 in 3:30 am tiang kan luhhnawh kan kah hna i Pyusawtthi 2 an thih pin ah hliam tuarmi an tam i an zam tiah theih asi.
Hi khua a luhhnawhtu phu hna cu PRA Tatkhuai(22, 23, 28) , PPDG, MVRF,Pale Jokers, Daung Nat phu hna an si i kahdohnak ah Dothlengtu ralkap pakhat hliam hmete a tuar ve.
