Pyusawthi Training Kainak Hmun Tualchung Hriamtlai Nih An Luh Hnawh
Sagaing ramthen, Pale pengkulh, Yeephyu khua ah umhmun khuar in Pyusawtthi pawl le training a petu ralhrang pawl cu january 28 zaan slm 8:00 hrawng ah kan kah hna tiah tualchung hriamtlai phu hna nih an chim.
‘Ralhrang hi 40 hrawng an si lai, Khuami nih an cohlan hna i mini 100 hrawng an si tiah thawngoang fiang tein kan hngalh, Training an pek hna, hriamnam zong tling tein an pek hna, Khua pawngkam mi zong Ni 5 chung Pyusawtthi training an pek hna caah Drone ah bomb kan ttemh i van lei he vawlei lei he kan kah hna tiah People’s Revolution Army( PRA) in Bo Japan nih a chim.
Kahdohnak cu suimilam cheu chung hrawng a rau i ralhrang le Pyusawtthi tthi nih hriamngan he hriamhme he kah thlorh in an kah hna i Tualchung hriamtlai pawl cu thi le hliam umlo in hnu an pil kho ralhrang le Pyusawtthi lei thi le hliam hngalh khawh si rihlo.
Tutan Pyusawtthi training kainak a va kaptu tualchung. hriamtlai hna cu , AungSan Force , PRA, Chindwin Attack Force ,Iron Force , Pale Gucrrilla Force hna an si.
#Mizzima
