Pyin Oo Lwin – Mogok lampi cung ah MDY PDF le SAC kar ah kahdoh nak a chuak i SAC (20) tluk an thih leng ah (30) tluk hliam an tuar tiah MDY PDF in nawlngeitu Ko Ausmon nih Khit Thit Media ah a chim.
October 9, zinglei slm 9:00am tluk in ralhraang tatmah (101) kuttang Infantry 252 hna le MDY PDF hna kar ah chunnitlak kahdoh nak a chuah caah ralhraang (20) tluk an thi i (30) tluk hliam an tuar leng ah ralhraang hriamnam tampi kan laak khawh .MDY PDF lei in ralkap (3) nih ram le miphun caah nunnak an pek ve.
“A tutan ralhraang rallam sial mi hi minung 65 tluk an si (20) an thi,(30) tluk hliam an tuar caah minung (15) hrawng lawng him tein a kir kho mi an si tiin ralkap a chunglei in thawng kan theih than” tiah MDY PDF in Ko Ausmon nih cun a chim.
Kahdohnak a dih hnu hmunhma thianhhlimh nak ah ralhraang hriamngan kuan hna,Meithal hna, an sei hna le uniform hna laak a si i ralhraang miruak (6) zong kan fimtawl piak hna tiah a chim.
MDY PDF le SAC kar ah hin July thla cenceu in September a zarhkhat nak ah kahdoh nak a rak chuak i ralhraang ralbawi hna telh in minung (80) tluk an rak thi.
