” Putin Na Ralkap Na Ram Ah Kirter Hna” Tiah UN Chief Nih Putin Nawl, Russia Vanlawng 5 Le Helicopter Pakhat Kan Thlak Tiah Ukraine Ralkap Nih Thanh.
UN General Secretary Antonio Guterres nih Russia nih Ukraine ram a tukmi kong ah Russia President Putin cu sin ah raltuknak ngol ding ah pumpak in nawlnak a tuah.
Tuni, February 24 ah UN General Secretary Guterres nihcun ” President Putin Ukraine na tukmi ngol law na ralkap cu Russia ah kirter hna, Daihnak caah lam ser tthan: Minung nunnak tiang a liam cang hih ” tiah a chim.
Russia nih Ukraine khualipi Kyiv tel in khuapi ngan cheukhat cu missile in a kah hnu ah Ukraine president Zelensky nih Ram pumpi cu Emergency a thanh.
Ukraine ralkap nih Russia ral kan i veng i kan lehrulh hna vanlawng 5 le Helicopter pakhat kan thlak cang tiah an thanh nain Russia tu nihcun a dik lomi a si tiah a leh.
