Puak Peng Kanlay Palik Sakhaan Cu PDF Nih An Lak Khawh. SAC Ralkap 10 Leng An Thi.
================================
November 29, 2022
Magway ramkulh, Puak Peng Kanlay Palik sakhaan cu PDF phu pawl nih an lak ii an kangh tiah theih a si.
November 24 zanlei thok in Kanlay palik sakhaan cu an doh hna ii November 26 zinglei ah an lak kawh. Nithum chung ah SAC ralkap a tlawm bik 10 leng an thi tiah People’s Defense Force ( Yenangyaung) in nawl ngei tu pakhat nih a chim.
Sakhaan an lak khawh ruang ah SAC Ralkap nih MI 35 helicopter hmang in a kah hna nan in PDF nih an sakhaan an kangh khawh tiah theih asi.
Kahdohbak chung ah PDF pahnih an nunnak a liam ii SAC Ralkap hriamnam pawl cu tam an lak khawh tiah theih a si.
