PRA Le SAC Ralkap Voi 9 An I Kap I SAC Ralkap 23 An Thi
======================
Khuate 11 ah ralkam a sial mi SAC ralkap le Bo Japan hruai mi People Revolution Army(PRA) kar ni 10 chung ah kahdohnak voi 9 a chuak i SAC ralkap 23 an thi i RRA lei in 2 an nunnak liam tiah theih a si.
April 2 in Sagaing ramthen Pale Kaandongh(ကန်ဒေါင့်) palik a sakhan in a chuak i pyosawtee aa tel mi SAC ralkap thazaang 64 cu Magway ramthen Myaing peng tiang khua 11 ah rallam an sial i April 11 ah an sakhan ah an kir than cang tiah theih a si.
” Rallam a sial mi SAC ralkap hi minung 64 an si i pyosawtee zong an i tel. Meithal an pek ve hna. An mah lei minung 41 an sakhan ah an lut than. Cu kar ah an mah lei a thi mi oawl an phum hna i minung 8 cu Pale siizung ah an kuat hna tiin thawng fiang kan theih,” tiah Bo Japan nih a chim.
Hi kahdohnak ah hin dohthlennak a tuh tu phu tam pi an i tel i ni 10 chung kahdohnak ah zei bantuk dah a cang i timi cu khuate pawl an himnak ding caah bia an leh mi a um lo.
