Pinlebu peng khua pawl mei a khang tu SAC ralkap cu mipi vengtu phu nih an doh hna i SAC ralkap 30 leng an thi i pakhat an tlaih
Sagaing ramthen,Pinlebu peng khua pawl mei a khang tu SAC ralkap cu mipi vengtu phu nih an doh hna i SAC ralkap 30 leng an thi i pakhat a nung in an tlaih.Hriamnam pawl zong an lak khawh tiah Kawlin mipi vengtu phu tuanvo ngeitu,Kawlin peng mipi hluttaw ai awhtu U Zaw Aung nih a chim.
SAC ralkap pawl nih Pinlebu peng he meng 3 long a hlatnak khua pawl cu mei an khangh ruang ah mipi vengtu phu nih an doh hnanak hi a si.A hram thok ah cun SAC ralkap thazaang 50 an si i a hnu ah 30 nih an rak bawmh hna.Mipi vengtu phu i fonh in an doh hna i SAC ralkap pawl cu a thi mi tam pi he khua chung ah an lut than tiah theih a si.
“Khua chung ah luh ah hin minung 30 leng hrawng long an si.Khua chung in a chuak mi an zapi hi 80 hrawng an si.Pakhat a nung in an tlaih.Hriamnam pawl zong lak a si.Khuami inn pawl an khangh hi kan cohlang ti lo”tiah Kawlin peng ပကဖ tuanvo ngeitu nih a chim.
A tu Kawlin pengkomh chung um Wantho,Kawlin,Pinlebu khua pawl ah SAC ralkap nih mei an khangh tiah theih a si.(Crd.Khit Thit Media)
