Phihkhar Cang Media Pawl Hotel Ah Chuahlo Ding In Ralhrang Nih Nawl Chuah
Cheukhat Hotel pawl ah Council ralkap nih phihkharmi media le TV channel pawl simi DVB,Mizzima ti bantuk pawl an chuah lengmang caah chuah tilo ding in ralhrang nih chuah tilo ding in nawl a chuah tthan.
Ralhrang nihcun DVB, Mizzima, Myanmar Now, 7 Days, Khit Thit Media etc. . thawngzamh pawl cu March 8 ahkhan license a rak phihkhar piak hna.
Nain, Cheukhat hotel ah license phihkharmi thawngzamh pawl an chuah pengmi hmuh a si rih caah ralhrang nih chuah tilo ding in le chuah rih ahcun upadi ning in dantatnak pek ding ah nizaan, November 22 ah nawl a chuah.
Ralhrang nih phihkharmi media thawngzamh hna nihcun NUG, PDF le CRPH pawl an tthatnak kha papek in an phuan ttheo i Min Aung Hlaing hruaimi Council ralkap cu ralhrang min an bunh ve hna.
Phihkhar piakmi media hna lak ah 7 Day thawngzamh tucu an rian an ngol nain a dang tucu an cawlcang peng ko rih.
#RFA
